70 anos do ataque a Pearl Harbor
O 7 de decembro de 1941 a aviación xaponesa
atacou por sorpresa a base naval de Pearl Harbor en Hawaii, onde se concentraba
a frota de guerra norteamericana do Pacífico.
Os buques de guerra ancorados no porto foron
doado branco para os aproximadamente 360 avións de guerra xaponeses que
participaron no ataque. Os norteamericanos sufriron 3400 baixas con 2300
mortes. O ataque danou seriamente o poder naval e aéreo norteamericano no Pacífico.
Non obstante, esta agresión galvanizou ao pobo
norteamericano e Roosevelt conseguiu que ao día seguinte, o 8 de decembro de
1941, o Congreso aprobase a declaración de guerra contra Xapón.
A falta de previsión das autoridades militares ante un eventual ataque
provocou duras críticas naquel momento. E mesmo algúns historiadores suxeriron
que Roosevelt coñecía o ataque e non fixo nada por impedilo para así meter a
Estados Unidos na guerra. A maioría pensa actualmente que, se ben os militares
norteamericanos eran conscientes da probabilidade dun ataque xaponés, non sabían
con exactitude o cando e o onde.
No hay comentarios:
Publicar un comentario